ಕರ್ನಾಟಕ ಶಾಸ್ತ್ರೀಯ ಸಂಗೀತದ ಅತ್ಯಾಕರ್ಷಕ ರಾಗಗಳಾದ ಮೋಹನ ಮತ್ತು ಕಲ್ಯಾಣಿ ರಾಗಗಳ ಸಂಗಮದಿಂದ ಆದ ರಾಗವೇ "ಮೋಹನಕಲ್ಯಾಣಿ". ಮುತ್ತಯ್ಯ ಭಾಗವತರ ಪ್ರಖ್ಯಾತ ರಚನೆ "ಭುವನೇಶ್ವರಿಯ ನೆನೆ ಮಾನಸವೇ..." ಕೃತಿ ಈ ರಾಗದಲ್ಲೇ ಇರುವುದು. ಖ್ಯಾತ ವಯಲಿನ್ ವಾದಕ ಲಾಲ್‌ಗುಡಿ ಜಿ.ಜಯರಾಮನ್ ಅವರು ಮೋಹನಕಲ್ಯಾಣಿ ರಾಗದಲ್ಲಿ ರಚಿಸಿದ ಒಂದು ತಿಲ್ಲಾನ ಅತ್ಯಂತ ಪ್ರಸಿದ್ಧವಾದುದು. ವಿವಿಧ ನೃತ್ಯಕಲಾವಿದರು, ನೃತ್ಯಾಭ್ಯಾಸಿಗಳು ಇದರ ನೃತ್ಯಸಂಯೋಜನೆ ಮಾಡಿ ಅನೇಕ ಕಡೆಗಳಲ್ಲಿ ಪ್ರಸ್ತುತಪಡಿಸಿರುವುದರಿಂದ ಇದು ವಿಶ್ವವಿಖ್ಯಾತವೇ ಆಗಿದೆ.
ಇಲ್ಲಿ ಆ ತಿಲ್ಲಾನವನ್ನು ಲಾಲ್‌ಗುಡಿ ಜಿ.ಜಯರಾಮನ್ ಅವರ ವಯಲಿನ್ ಪ್ರಸ್ತುತಿಯಲ್ಲಿ (“ ಡ್ಯಾನ್ಸ್ ಆಫ್ ಸೌಂಡ್ " ಆಲ್ಬಮ್‌ನಿಂದ) ಮಾತ್ರವಲ್ಲದೆ, ಬೇರೆ ಎಂಟು ಜನ ಕಲಾವಿದರು ವಿವಿಧ ವಾದ್ಯಗಳಲ್ಲಿ ಪ್ರಸ್ತುತಪಡಿಸಿರುವುದನ್ನೂ ಜೋಡಿಸಿ ಈ ಸಂಕಲನವನ್ನು ಮಾಡಲಾಗಿದೆ. ಸುಮಾರು 40 ನಿಮಿಷಗಳ ಈ ನವರಸಧಾರೆ ನಿಮ್ಮನ್ನು ಮುದಗೊಳಿಸುತ್ತದೆಂಬ ಆಶಯವಿದೆ. 🎵🎶
1. ವಯಲಿನ್: ಲಾಲ್‌ಗುಡಿ ಜಿ.ಜಯರಾಮನ್ 🎼
2. ವೀಣೆ: ಜಯಂತಿ ಕುಮರೇಶ್ 🎼
3. ಮ್ಯಾಂಡೊಲಿನ್: ಯು.ಶ್ರೀನಿವಾಸ್ 🎼
4. ಕೊಳಲು: ಸಿಕ್ಕಿಲ್ ಸಹೋದರಿಯರು 🎼
5. ಸಿತಾರ್: ಶಿವರಾಮಕೃಷ್ಣರಾವ್ 🎼
6. ನಾದಸ್ವರ: ಮಾಂಬಳಂ ಶಿವಕುಮಾರ್ 🎼
7. ಫ್ಯೂಷನ್: ವಿಜಯ್ ಮಾಧುರ್ & ಶ್ರೀವಾಣಿ ಕಾಕುಂಜೆ 🎼
8. ಎಲೆಕ್ಟ್ರಿಕ್ ಗಿಟಾರ್: ಸೌಮ್ಯಾ ವರದಾ 🎼
9. ಸ್ವರಾಂಜಲಿ: ಸಮೂಹ ಪ್ರಸ್ತುತಿ 🎼
[ ಆಡಿಯೊ ಸಂಗ್ರಹ/ಸಂಕಲನ : ಶ್ರೀವತ್ಸ ಜೋಶಿ ]
(ಉಪಯುಕ್ತ ನ್ಯೂಸ್)
ಉಪಯುಕ್ತ ನ್ಯೂಸ್’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಕಾಮೆಂಟ್‌ ಪೋಸ್ಟ್‌ ಮಾಡಿ