ಕನ್ನಡ ನುಡಿಯೇ ನಮ್ಮುಸಿರು
ಕನ್ನಡ ನುಡಿಯೇ ನಿಜದೊಸರು || ಪಲ್ಲವಿ ||
ಕನ್ನಡವೆಂಬುದೆ ಸವಿನುಡಿಯು
ಕನ್ನಡವೆಂಬುದೆ ಹಿತನುಡಿಯು |
ಕನ್ನಡವೆಂಬುದೆ ಕತ್ತುರಿಯು
ಕನ್ನಡವೆಂಬುದೆ ತವನಿಧಿಯು ||
ಕನ್ನಡದಲಿ ನಾ ಬರೆಯುವೆನು
ಕನ್ನಡದಲಿ ನಾ ತಿಳಿಯುವೆನು |
ಕನ್ನಡದಲಿ ನಾ ಉಲಿಯುವೆನು
ಕನ್ನಡದಲಿ ನಾನೋದುವೆನು ||
ಕನ್ನಡವೆಂಬುದು ಅಪ್ಪಟ ಸತ್ಯ
ಕನ್ನಡವೆಂಬುದು ಸಂಸ್ಕೃತಿ ನಿತ್ಯ ||
ಕನ್ನಡವೆಂಬುದು ಹೃದಯದ ಭಾಷೆ
ಕನ್ನಡವೆಂಬುದು ಕಳೆವುದು ದೋಷ ||
ಕನ್ನಡ ಕಲಿತರೆ ಕೌಶಲ ಸಿದ್ಧಿ
ಕನ್ನಡ ಕಲಿತರೆ ಜೀವನ ಶುದ್ಧಿ |
ಕನ್ನಡ ಕಲಿತರೆ ಬೆಳೆವುದು ಬುದ್ಧಿ
ಕನ್ನಡ ಕಲಿತರೆ ತಿಳಿವಿನ ವೃದ್ಧಿ ||
ಕನ್ನಡ ಭಾಷೆಯ ಕಲಿಯಲು ಸುಲಭ
ಕನ್ನಡ ಭಾಷೆಯ ಬರೆಯಲು ಸುಲಭ |
ಕನ್ನಡ ವಾಙ್ಮಯ ಸಿದ್ಧಿಯು ಸುಲಭ
ಕನ್ನಡ ವಾಙ್ಮಯ ಕೈವಶ ಸುಲಭ ||
ಓದಿರಿ ಕನ್ನಡ ಬರಹಗಳ
ಹಾಡಿರಿ ಕನ್ನಡ ಕವನಗಳ ||
ಎಳೆಯಿರಿ ತಾಯಿಯ ತೇರನ್ನು
ಬೆಳೆಯಿರಿ ಪಸರಿಸಿ ಲೋಕವನು ||
ರಚನೆ:- ಶ್ರೀ ವಿ.ಬಿ.ಕುಳಮರ್ವ, ಕುಂಬ್ಳೆ
ರಾಗ-ಸಂಗೀತ-ಗಾಯನ: ಕಲಾಶ್ರೀ ವಿದ್ಯಾಶಂಕರ್ ಮಂಡ್ಯ
(ಉಪಯುಕ್ತ ನ್ಯೂಸ್)
ಉಪಯುಕ್ತ ನ್ಯೂಸ್’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಚಾ ಶಿ ಜಯಕುಮಾರ್ ಕೃಷ್ಣರಾಜಪೇಟೆ ಮಂಡ್ಯ ಜಿಲ್ಲೆ
ಪ್ರತ್ಯುತ್ತರಅಳಿಸಿಕಾಮೆಂಟ್ ಪೋಸ್ಟ್‌ ಮಾಡಿ