ಆಲಿಸಿ: ಮಧುರಗಾನ- ಚಿತ್ರಗೀತೆ- ನಗುವ ನಯನ ಮಧುರ ಮೌನ

 

ಚಿತ್ರ: ಪಲ್ಲವಿ ಅನುಪಲ್ಲವಿ

ಸಾಹಿತ್ಯ: ಆರ್.ಎನ್. ಜಯಗೋಪಾಲ್

ಸಂಗೀತ: ಇಳಯರಾಜ

ಗಾಯನ: ಎಸ್.ಪಿ.ಬಿ ಮತ್ತು ಎಸ್.ಜಾನಕಿ

ನಗುವ ನಯನ ಮಧುರ ಮೌನ

ಮಿಡಿವ ಹೃದಯ ಇರೆ ಮಾತೇಕೆ

ಹೊಸ ಭಾಷೆ ಇದು ... ರಸ ಕಾವ್ಯವಿದು

ಇದ ಹಾಡಲು ಕವಿ ಬೇಕೆ?

ನಗುವ ನಯನ ಮಧುರ ಮೌನ

ಮಿಡಿವ ಹೃದಯ ಇರೆ ಮಾತೇಕೆ

ನಿಂಗಾಗಿ ಹೇಳುವೆ ಕಥೆ ನೂರನು

ನಾನಿಂದು ನಗಿಸುವೆ ಈ ನಿನ್ನನು

ಇರುಳಲ್ಲು ಕಾಣುವೆ ಕಿರು ನಗೆಯನು

ಕಣ್ಣಲ್ಲಿ ಹುಚ್ಚೆದ್ದ ಹೊಂಗನಸನು

ಜೊತೆಯಾಗಿ ನಡೆವೆ ನಾ ಮಳೆಯಲು

ಬಿಡದಂತೆ ಹಿಡಿವೆ ಈ ಕೈಯನು

ಗೆಳೆಯಾ ಜೊತೆಗೆ ಹಾರಿ ಬರುವೆ

ಬಾನಾ ಎಲ್ಲೆ ದಾಟಿ ನಲಿವೆ

ನಗುವ ನಯನ ಮಧುರ ಮೌನ

ಮಿಡಿವ ಹೃದಯ ಇರೆ ಮಾತೇಕೆ?

ಈ ರಾತ್ರಿ ಹಾಡು ಪಿಸು ಮಾತಲಿ

ನಾ ತಂದೆ ಇನಿದಾದ ಸವಿ ರಾಗವ

ನೀನಲ್ಲಿ ನಾನಿಲ್ಲಿ ಏಕಾಂತವೆ

ನಾ ಕಂಡೆ ನನ್ನದೆ ಹೊಸ ಲೋಕವ

ಈ ಸ್ನೇಹ ತಂದಿದೆ ಎದೆಯಲ್ಲಿ

ಎಂದೆಂದೂ ಅಳಿಸದ ರಂಗೋಲಿ

ಆಸೆ ಹೂವ ಹಾಸಿ ಕಾದೆ

ನಡೆ ನೀ ಕನಸಾ ಹೊಸಕಿ ಬಿಡದೆ

ನಗುವ ನಯನ ಮಧುರ ಮೌನ

ಮಿಡಿವ ಹೃದಯ ಇರೆ ಮಾತೇಕೆ

ಹೊಸ ಭಾಷೆ ಇದು...ರಸ ಕಾವ್ಯವಿದು...

ಇದ ಹಾಡಲು ಕವಿ ಬೇಕೇ?

ಲ ಲ ಲ ಲ ಲ ಲ ಲ ಲ ಲ ಲ ಲಾಆಆಆ