ಆಲಿಸಿ: ವಾಲ್ಮೀಕಿ ರಾಮಾಯಣ- ನಿತ್ಯ ಪಾರಾಯಣ- ಬಾಲಕಾಂಡ 58ನೇ ಸರ್ಗ
ಅಷ್ಟಪಂಚಾಶಃ ಸರ್ಗಃ
ವಸಿಷ್ಟ ಪುತ್ರರ ಶಾಪದಿಂದ ತ್ರಿಶಂಕುವಿಗೆ ಚಂಡಾಲತ್ವ ಪ್ರಾಪ್ತಿ; ವಿಶ್ವಾಮಿತ್ರರಿಗೆ ಶರಣಾಗಿ ಯಾಗ ಮಾಡಿಸುವಂತೆ ತ್ರಿಶಂಕುವಿನ ಪ್ರಾರ್ಥನೆ.
ಪ್ಲವನಾಮ ಸಂವತ್ಸರದ ಶ್ರೀರಾಮನವಮಿಯ ಪುಣ್ಯದಿನದಿಂದ ಆರಂಭಿಸಿ ಒಂದು ವರ್ಷ ಪರ್ಯಂತ ನಡೆಯುವ ವಾಲ್ಮೀಕಿ ರಾಮಾಯಣದ ಪಾರಾಯಣ ಅಭಿಯಾನದಲ್ಲಿ ಉಪಯುಕ್ತ ಪಾಡ್‌ಕಾಸ್ಟ್‌ ಸಹಭಾಗಿಯಾಗಿರುತ್ತದೆ.
Tags: #ValmikiRamayana #Ramayana #ರಾಮಾಯಣ_ನಿತ್ಯಪಾರಾಯಣ
||ಓಮ್ ತತ್ ಸತ್||
ಬಾಲಕಾಂಡ- ಅಷ್ಟಪಂಚಾಶಸ್ಸರ್ಗಃ
ತತಃ ತ್ರಿಶಂಕೋರ್ವಚನಂ ಶ್ರುತ್ವಾ ಕ್ರೋಥ ಸಮನ್ವಿತಮ್ |
ಋಷಿಪುತ್ರ ಶತಂ ರಾಮ ರಾಜಾನಂ ಇದಂ ಅಬ್ರವೀತ್ ||
ಪ್ರತ್ಯಾಖ್ಯಾತೋಹಿ ದುರ್ಬುದ್ಧೇ ಗುರುಣಾ ಸತ್ಯವಾದಿನಾ |
ಕಥಂ ಸಮತಿಕ್ರಮ್ಯ ಶಾಖಾಂತರಮುಪೇಯವಾನ್ ||
ಇಕ್ಷ್ವಾಕೂಣಾಂ ಹಿ ಸರ್ವೇಷಾಂ ಪುರೋಧಾಃ ಪರಮೋ ಗುರುಃ |
ನ ಚ ಅತಿಕ್ರಮಿತುಂ ಶಕ್ಯಂ ವಚನಂ ಸತ್ಯ ವಾದಿನಃ ||
ಅಶಕ್ಯಮಿತಿ ಚ ಉವಾಚ ವಸಿಷ್ಠಃ ಭಗವಾನ್ ಋಷಿಃ |
ತಂ ವಯಂ ವೈ ಸಮಾಹರ್ತುಂ ಕ್ರತುಂ ಶಕ್ತಾಃ ಕಥಂ ತವ ||
ಬಾಲಿಶಸ್ತ್ವಂ ನರಶ್ರೇಷ್ಠ ಗಮ್ಯತಾಂ ಸ್ವಪುರಂ ಪುನಃ |
ಯಾಜನೇ ಭಗವಾನ್ ಶಕ್ತಃ ತ್ರೈಲೋಕ್ಯಸ್ಯಾಪಿ ಪಾರ್ಥಿವ |
ಅವಮಾನಂ ಚ ತತ್ಕರ್ತುಂ ತಸ್ಯ ಶಕ್ಷ್ಯಾಮಹೇ ಕಥಮ್||
ತೇಷಾಂ ತದ್ವಚನಂ ಶ್ರುತ್ವಾ ಕ್ರೋಥ ಪರ್ಯಾಕುಲಾಕ್ಷರಮ್|
ಸ ರಾಜಾ ಪುನರೇವೈತಾನ್ ಇದಂ ವಚನಮಬ್ರವೀತ್ ||
ಪ್ರತ್ಯಾಖ್ಯಾತೋಸ್ಮಿ ಗುರುಣಾ ಗುರುಪುತ್ರೈಃ ತಥೈವ ಚ |
ಅನ್ಯಾಂ ಗತಿಂ ಗಮಿಷ್ಯಾಮಿ ಸ್ವಸ್ತಿ ವೋ ಅಸ್ತು ತಪೋಧನಾಃ ||
ಋಷಿಪುತ್ತ್ರಾಸ್ತು ತತ್ ಶ್ರುತ್ವಾ ವಾಕ್ಯಂ ಘೋರಾಭಿಸಂಹಿತಮ್ |
ಶೇಪುಃ ಪರಮಸಂಕ್ರುದ್ಧಾಃ ಚಂಡಾಲತ್ವಂ ಗಮಿಷ್ಯಸಿ |
ಏವಮುಕ್ತ್ವಾ ಮಹಾತ್ಮಾನೋ ವಿವಿಶುಸ್ತೇ ಸ್ವಮಾಶ್ರಮಮ್ ||
ಅಥ ರಾತ್ರ್ಯಾಂ ವ್ಯತೀತಾಯಾಂ ರಾಜಾ ಚಂಡಾಲತಾಂ ಗತಃ |
ನೀಲವಸ್ತ್ರ ಧರೋ ನೀಲಃ ಪರುಷೋ ಧ್ವಸ್ತಮೂರ್ಥಜಃ ||
ಚಿತ್ಯಮಾಲ್ಯಾನು ಲೇಪಶ್ಚ ಆಯಸಾಭರಣೋ ಅಭವತ್ ||
ತಂ ದೃಷ್ಟ್ವಾ ಮಂತ್ರಿಣಸ್ಸರ್ವೇ ತ್ಯಜ ಚಂಡಾಲರೂಪಿಣಮ್ |
ಪ್ರಾದ್ರವನ್ ಸಹಿತಾ ರಾಮ ಪೌರಾ ಯೇsಸ್ಯಾನುಗಾಮಿನಃ||
ಏಕೋಹಿ ರಾಜಾ ಕಾಕುತ್‍ಸ್ಥ ಜಗಾಮ ಪರಮಾತ್ಮವಾನ್ |
ದಹ್ಯಮಾನೋ ದಿವಾರಾತ್ರಂ ವಿಶ್ವಾಮಿತ್ರಂ ತಪೋಧನಮ್ ||
ವಿಶ್ವಾಮಿತ್ರಸ್ತು ತಂ ದೃಷ್ಟ್ವಾ ರಾಜಾನಂ ವಿಫಲೀಕೃತಮ್ |
ಚಂಡಾಲರೂಪಿಣಂ ರಾಮ ಮುನಿಃ ಕಾರುಣ್ಯಮಾಗತಃ ||
ಕಾರುಣ್ಯಾತ್ ಸ ಮಹಾತೇಜಾ ವಾಕ್ಯಂ ಪರಮಧಾರ್ಮಿಕಃ |
ಇದಂ ಜಗಾದ ಭದ್ರಂ ತೇ ರಾಜಾನಂ ಘೋರ ರೂಪಿಣಮ್ ||
ಕಿಮಾಗಮನ ಕಾರ್ಯಂ ತೇ ರಾಜಪುತ್ತ್ರ ಮಹಾಬಲ |
ಅಯೋಧ್ಯಾಧಿಪತೇ ವೀರ ಶಾಪಾತ್ ಚಂಡಾಲತಾಂ ಗತಃ ||
ಅಥ ತದ್ವಾಕ್ಯ ಮಾಜ್ಞಾಯ ರಾಜಾ ಚಂಡಾಲತಾಂ ಗತಃ |
ಅಬ್ರವೀತ್ ಪ್ರಾಂಜಲಿರ್ವಾಕ್ಯಂ ವಾಕ್ಯಜ್ಞೋ ವಾಕ್ಯ ಕೋವಿದಮ್ ||
ಪ್ರತ್ಯಾಖ್ಯಾತೋಸ್ಮಿ ಗುರುಣಾ ಗುರುಪುತ್ತ್ರೈಃ ತಥೈವ ಚ|
ಅನವಾಪ್ಯೈವ ತಂ ಕಾಮಂ ಮಯಾ ಪ್ರಾಪ್ತೋ ವಿಪರ್ಯಯಃ ||
ಸಶರೀರೋ ದಿವಂ ಯಾಯಾ ಮ್ ಇತಿ ಮೇ ಸೌಮ್ಯ ದರ್ಶನಮ್ |
ಮಯಾ ಚೇಷ್ಠಂ ಕ್ರತುಶತಂ ತತ್ ಚ ನ ಅವಾಪ್ಯತೇ ಫಲಮ್||
ಅನೃತಂ ನೋಕ್ತ ಪೂರ್ವಂ ಮೇ ನ ಚ ವಕ್ಷ್ಯೇ ಕದಾಚನ |
ಕೃಛ್ಛೇಷ್ವಪಿ ಗತ ಸ್ಸೌಮ್ಯ ಕ್ಷತ್ರ ಧರ್ಮೇಣ ತೇ ಶಪೇ ||
ಯಜ್ಞೈಃ ಬಹುವಿಧೈರಿಷ್ಟಂ ಪ್ರಜಾ ಧರ್ಮೇಣ ಪಾಲಿತಾಃ |
ಗುರವಶ್ಚ ಮಹಾತ್ಮಾನಃ ಶೀಲವೃತ್ತೇನ ತೋಷಿತಾಃ ||
ಧರ್ಮೇ ಪ್ರಯತಮಾನಸ್ಯ ಯಜ್ಞಂ ಚಾಹರ್ತುಮಿಚ್ಛತಃ |
ಪರಿತೋಷಂ ನ ಗಚ್ಚಂತಿ ಗುರವೋ ಮುನಿಪುಂಗವಃ ||
ದೈವಮೇವ ಪರಂ ಮನ್ಯೇ ಪೌರುಷಂ ತು ನಿರರ್ಥಕಮ್|
ದೈವೇನಾಕ್ರಮ್ಯತೇ ಸರ್ವಂ ದೈವಂ ಹಿ ಪರಮಾಗತಿಃ ||
ತಸ್ಯಮೇ ಪರಮಾರ್ತಸ್ಯ ಪ್ರಸಾದಂ ಅಭಿಕಾಂಕ್ಷಿತಃ |
ಕರ್ತುಮರ್ಹಸಿ ಭದ್ರಂ ತೇ ದೈವೋಪಹತ ಕರ್ಮಣಃ ||
ನಾನ್ಯಾಂ ಗತಿಂ ಗಮಿಷ್ಯಾಮಿ ನಾನ್ಯಶ್ಶರಣಮಸ್ತಿ ಮೇ|
ದೈವಂ ಪುರುಷಕಾರೇಣ ನಿವರ್ತಯಿತುಮರ್ಹಸಿ ||
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯೇ ಆದಿಕಾವ್ಯೇ ಬಾಲಕಾಂಡೇ ಅಷ್ಟಪಂಚಾಶಸ್ಸರ್ಗಃ ||
||ಓಮ್ ತತ್ ಸತ್ ||
Visit: Upayuktha Advertisements- A Dedicated place for Your Ads
(ಉಪಯುಕ್ತ ನ್ಯೂಸ್)
ಕಾಮೆಂಟ್‌ ಪೋಸ್ಟ್‌ ಮಾಡಿ