ಅಷ್ಟಮಿ ಮುಗಿಯಿತು. ಅದಾಗಿ ಎಂಟನೆ ದಿನಕ್ಕೆ ಅಮಾವಾಸ್ಯೆ, ನಂತರ ನಾಲ್ಕನೇ ದಿನವೇ ಚೌತಿ. ಪ್ರಥಮ ಪೂಜಿತ ಗಣಪನ ಹಬ್ಬ ಗಣೇಶ ಚತುರ್ಥಿ. ಪರಿಸರ ಸ್ನೇಹಿ ಗಣಪನ ಮೂರ್ತಿಗಳನ್ನು ಪೂಜಿಸಿ ಮಾಲಿನ್ಯ ತಡೆಗಟ್ಟಿ. ಅದಕ್ಕಾಗಿ ಬಂದಿವೆ, ಹಸುವಿನ ಸೆಗಣಿಯಿಂದ ತಯಾರಿಸಿದ 100% ಪರಿಸರ ಸ್ನೇಹಿ ಗೋಮಯ ಗಣೇಶನ ಮೂರ್ತಿಗಳು. ಈ ಮೂರ್ತಿಗಳನ್ನು ಪೂಜಿಸಿ ವಿಸರ್ಜಿಸಿದ ಬಳಿಕ ಇವು ಗೊಬ್ಬರವಾಗಿ ಪರಿವರ್ತನೆ ಹೊಂದಿ ಪ್ರಕೃತಿಯಲ್ಲಿ ಲೀನವಾಗಿ ಬಿಡುತ್ತವೆ.
ಕೇಂದ್ರ ಸರಕಾರದ ರಾಷ್ಟ್ರೀಯ ಕಾಮಧೇನು ಆಯೋಗದಿಂದ ಮಾನ್ಯತೆ ಪಡೆದ, ಗ್ರಾಮೀಣ ಉದ್ಯಮಿಗಳ ನೆರವಿಗಾಗಿ ಸ್ಥಾಪನೆಯಾದ ಬೆಂಗಳೂರು ಮೂಲದ ಜಾಗೃತಿ ಟ್ರಸ್ಟ್ ಈ ಗೋಮಯ ಗಣಪತಿ ಮೂರ್ತಿಗಳನ್ನು ಬೇರೆ ಬೇರೆ ಗಾತ್ರದಲ್ಲಿ ತಯಾರಿಸಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.
15 ಸೆಂಟಿ ಮೀಟರ್‌ ಎತ್ತರದ ಮೊದಲ 150 ಮೂರ್ತಿಗಳು ಬೆಂಗಳೂರಿನ ಗೋಶಾಲೆಗಳಲ್ಲಿ ಲಭ್ಯವಾಗಲಿವೆ. ಮೂರ್ತಿಗಳ ಬೆಲೆಯೂ ಅತ್ಯಂತ ಕಡಿಮೆಯಿದ್ದು ಕೇವಲ 150 ರೂ.ಗಳಿಗೆ ಲಭ್ಯವಿರುತ್ತವೆ.
ಗೋಮಯ ಗಣಪನ ಪೂಜಿಸಿ ಪರಿಸರ ಸ್ನೇಹಿ ಜೀವನಶೈಲಿ ಅಳವಡಿಸಿಕೊಳ್ಳಲು ಸದವಕಾಶ ಬಂದಿದೆ. ಆಸಕ್ತರು ಬೆಂಗಳೂರಿನ ಜಾಗೃತಿ ಟ್ರಸ್ಟ್‌ನ ಮಾಧವ ಹೆಬ್ಬಾರ್ ಅವರನ್ನು (99005 11170) ಸಂಪರ್ಕಿಸಬಹುದಾಗಿದೆ.
ಕಾಮೆಂಟ್‌ ಪೋಸ್ಟ್‌ ಮಾಡಿ