ಆಲಿಸಿ: ವಾಲ್ಮೀಕಿ ರಾಮಾಯಣ- ನಿತ್ಯ ಪಾರಾಯಣ- ಬಾಲಕಾಂಡ 61ನೇ ಸರ್ಗ
ಪ್ಲವನಾಮ ಸಂವತ್ಸರದ ಶ್ರೀರಾಮನವಮಿಯ ಪುಣ್ಯದಿನದಿಂದ ಆರಂಭಿಸಿ ಒಂದು ವರ್ಷ ಪರ್ಯಂತ ನಡೆಯುವ ವಾಲ್ಮೀಕಿ ರಾಮಾಯಣದ ಪಾರಾಯಣ ಅಭಿಯಾನದಲ್ಲಿ ಉಪಯುಕ್ತ ಪಾಡ್‌ಕಾಸ್ಟ್‌ ಸಹಭಾಗಿಯಾಗಿರುತ್ತದೆ.
Tags: #ValmikiRamayana #Ramayana #ರಾಮಾಯಣ_ನಿತ್ಯಪಾರಾಯಣ
|| ಓಮ್ ತತ್ ಸತ್ ||
ಬಾಲಕಾಂಡ- ಏಕೋನಷಷ್ಠಿತಸ್ಸರ್ಗಃ
ವಿಶ್ವಾಮಿತ್ರೋಮಹಾತ್ಮಾsಥ ಪ್ರಸ್ಥಿತಾನ್ ಪ್ರೇಕ್ಷ್ಯ ತಾನ್ ಋಷೀನ್ |
ಅಬ್ರವೀನ್ನರಶಾರ್ದೂಲ ಸರ್ವಾಂಸ್ತಾನ್ ವನವಾಸಿನಃ ||
ಮಹಾನ್ ವಿಘ್ನಃ ಪ್ರವೃತ್ತೋsಯಂ ದಕ್ಷಿಣಾಮಾಸ್ಥಿತೋ ದಿಶಮ್ |
ದಿಶಮನ್ಯಾಂಪ್ರಪತ್ಸ್ಯಾಮಃ ತತ್ರ ತಪ್ಸ್ಯಾಮಹೇ ತಪಃ ||
ಪಶ್ಚಿಮಾಯಾಂ ವಿಶಾಲಾಯಾಂ ಪುಷ್ಕರೇಷು ಮಹಾತ್ಮನಃ|
ಸುಖಮ್ ತಪಶ್ಚರಿಷ್ಯಾಮಃ ವರಂ ತದ್ಧಿ ತಪೋವನಮ್ ||
ಏವಮುಕ್ತ್ವಾ ಮಹಾತೇಜಾಃ ಪುಷ್ಕರೇಷು ಮಹಾಮುನಿಃ|
ತಪ ಉಗ್ರಂ ದುರಾಧರ್ಷಂ ತೇಪೇ ಮೂಲಫಲಾಶನಃ ||
ಏತಸ್ಮಿನ್ನೇವ ಕಾಲೇ ತು ಅಯೋಧ್ಯಾಧಿಪತಿರ್ನೃಪಃ |
ಅಂಬರೀಷ ಇತಿ ಖ್ಯಾತೋ ಯಷ್ಠುಂ ಸಮುಪಚಕ್ರಮೇ ||
ತಸ್ಯವೈ ಯಜಮಾನಸ್ಯ ಪಶುಮಿಂದ್ರೋ ಜಹಾರ ಹ |
ಪ್ರಣಷ್ಟೇ ತು ಪಶೌ ವಿಪ್ರೋ ರಾಜಾನಮ್ ಇದಮಬ್ರವೀತ್ ||
ಪಶುರದ್ಯ ಹೃತೋ ರಾಜನ್ ಪ್ರಣಷ್ಟಸ್ತವ ದುರ್ನಯಾತ್ |
ಅರಕ್ಷಿತಾರಂ ರಾಜಾನಂ ಘ್ನಂತಿ ದೋಷಾ ನರೇಶ್ವರ ||
ಪ್ರಾಯಶ್ಚಿತ್ತಂ ಮಹದ್ಧ್ಯೇತತ್ ನರಂ ವಾ ಪುರುಷರ್ಷಭ |
ಆನಯಸ್ವ ಪಶುಂ ಶೀಘ್ರಂ ಯಾವತ್ ಕರ್ಮ ಪ್ರವರ್ತತೇ ||
ಉಪಾಧ್ಯಾಯ ವಚಃ ಶ್ರುತ್ವಾ ಸ ರಾಜಾ ಪುರುಷರ್ಷಭ |
ಅನ್ವಿಯೇಷ ಮಹಾಬುದ್ಧಿಃ ಪಶುಂ ಗೋಭಿಃ ಸಹಶ್ರಸಃ ||
ದೇಶಾನ್ ಜನಪದಾಂ ಸ್ತಾಂ ಸ್ತಾನ್ ನಗರಾಣಿ ವನಾನಿ ಚ |
ಆಶ್ರಮಾಣಿ ಚ ಪುಣ್ಯಾನಿ ಮಾರ್ಗಮಾಣೋ ಮಹೀಪತಿಃ ||
ಸ ಪುತ್ತ್ರ ಸಹಿತಂ ತಾತ ಸಭಾರ್ಯಂ ರಘುನಂದನ |
ಭೃಗುತುಂಗೇ ಸಮಾಸೀನಮ್ ಋಚೀಕಂ ಸಂದದರ್ಶಹ ||
ತಮುವಾಚ ಮಹಾತೇಜಾಃ ಪ್ರಣಮ್ಯಾಭಿ ಪ್ರಸಾದ್ಯಚ |
ಬ್ರಹ್ಮರ್ಷಿಂ ತಪಸಾ ದೀಪ್ತಂ ರಾಜರ್ಷಿರಮಿತ ಪ್ರಭಃ ||
ಪೃಷ್ಟ್ವಾಸರ್ವತ್ರ ಕುಶಲಂ ಋಚೀಕಂ ತಂ ಇದಂ ವಚಃ |
ಗವಾಂ ಶತಸಹಸ್ರೇಣ ವಿಕ್ರೀನೀಷೇ ಸುತಂ ಯದಿ ||
ಪಶೋರರ್ಥೇ ಮಹಾಭಾಗ ಕೃತಕೃತ್ಯೋsಸ್ಮಿ ಭಾರ್ಗವ |
ಸರ್ವೇ ಪರಿಸೃತಾ ದೇಶಾ ಯಾಜ್ಞೀಯಂ ನ ಲಭೇ ಪಶುಮ್||
ದಾತುಮರ್ಹಸಿ ಮೂಲ್ಯೇನ ಸುತಮೇಕಮಿತೋ ಮಮ ||
ಏವಮುಕ್ತೋ ಮಹಾತೇಜಾ ಋಚೀಕಸ್ತ್ವಬ್ರವೀದ್ವಚಃ |
ನಾಹಂ ಜ್ಯೇಷ್ಠಂ ನರಶ್ರೇಷ್ಠ ವಿಕ್ರೀಣೀಯಾಂ ಕಥಂಚನ ||
ಋಚೀಕಸ್ಯ ವಚಃ ಶ್ರುತ್ವಾ ತೇಷಾಂ ಮಾತಾ ಮಹಾತ್ಮನಾಮ್ |
ಉವಾಚ ನರಶಾರ್ದೂಲಮ್ ಅಂಬರೀಷಂ ತಪಸ್ವಿನೀ ||
ಅವಿಕ್ರೇಯಂ ಸುತಂ ಜ್ಯೇಷ್ಠಮ್ ಭಗವಾನಾಹ ಭಾರ್ಗವ |
ಮಮಾಪಿ ದಯಿತಂ ವಿದ್ಧಿ ಕನಿಷ್ಠಂ ಶುನಕಂ ನೃಪ |
ತಸ್ಮಾತ್ ಕನೀಯಸಂ ಪುತ್ತ್ರಂ ನ ದಾಸ್ಯೇ ತವ ಪಾರ್ಥಿವ ||
ಪ್ರಾಯೇಣ ಹಿ ನರಶ್ರೇಷ್ಠ ಜ್ಯೇಷ್ಟಾಃ ಪಿತೃಷು ವಲ್ಲಭಾಃ |
ಮಾತೄಣಾಂತು ಕನೀಯಾಂಸಃ ತಸ್ಮಾದ್ರಕ್ಷೇ ಕನೀಯಸಮ್ ||
ಉಕ್ತವಾಕ್ಯೇ ಮುನೌ ತಸ್ಮಿನ್ ಮುನಿಪತ್ನ್ಯಾಂ ತಥೈವ ಚ |
ಶುನಶ್ಶೇಫಃ ಸ್ವಯಂ ರಾಮ ಮಧ್ಯಮೋ ವಾಕ್ಯಮಬ್ರವೀತ್ ||
ಪಿತಾ ಜ್ಯೇಷ್ಠಂ ಅವಿಕ್ರೇಯಂ ಮಾತಾ ಚಾಹ ಕನೀಯಸಮ್ |
ವಿಕ್ರೀತಂ ಮಧ್ಯಮಂ ಮನ್ಯೇ ರಾಜನ್ ಪುತ್ತ್ರಂ ನಯಸ್ವಮಾಮ್ ||
ಗವಾಂ ಶತಸಹಸ್ರೇಣ ಶುನಶೇಫಮ್ ಗೃಹೀತ್ವಾ ಪರಮ ಪ್ರೀತೋ ನರೇಶ್ವರಃ ಜಗಾಮ |
ಗವಾಮ್ ಶತಶಸ್ರೇಣ ಶ್ಶುನಶೇಫಂ ನರೇಶ್ವರಃ |
ಗೃಹೀತ್ವಾ ಪರಮಪ್ರೀತೋ ಜಗಾಮ ರಘುನಂದನ |
ಅಂಬರೀಷಸ್ತು ರಾಜರ್ಷೀ ರಥಮಾರೋಪ್ಯ ಸತ್ವರಃ |
ಶುನಶ್ಶೇಫಂ ಮಹಾತೇಜಾ ಜಗಾಮಾಶು ಮಹಾಯಶಾಃ ||
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ಆದಿಕಾವ್ಯೇ ಬಾಲಾಕಾಂಡೇ ಏಕಷಷ್ಠಿತಮಸ್ಸರ್ಗಃ ||
|| ಓಮ್ ತತ್ ಸತ್ ||
Visit: Upayuktha Advertisements- A Dedicated place for Your Ads
(ಉಪಯುಕ್ತ ನ್ಯೂಸ್)
ಕಾಮೆಂಟ್‌ ಪೋಸ್ಟ್‌ ಮಾಡಿ