ಆಲಿಸಿ: ಎಸ್‌ಪಿಬಿ ಸ್ಮರಣೆ- ಅಮರ ಕೋಗಿಲೆ

ಇನ್ನಿನಿಸು ನೀ ಬದುಕ ಬೇಕಿತ್ತು  

ಸಿರಿಕಂಠ ಕೋಗಿಲೆಯೆ | 

ಕಾಯವಳಿದರು ನೀನು ತೊಲಗದಿರು 

ನನ್ನೆದೆಯ ಗುಡಿಯಿಂದ ||  

ನಿನ್ನ ಹಾಡನು ಕೇಳಿ ಮರೆತು ಬನ್ನವನು 

ಹಾಯಾಗಿದ್ದೆ ನಾನಿಲ್ಲಿ ವರೆಗೆ | 

ಸಗ್ಗದಲಿಹ ಪರಮಾತ್ಮ ಕರೆದಾಗ  ನಿನ್ನನ್ನು  

ಕುಗ್ಗದೆಯೆ ಹೋದೆ ನೀನಲ್ಲಿಗೆ || 

ತಬ್ಬಿಕೊಂಡಿದೆ ನಿನ್ನ ಶಾರೀರ ಗಾಳಿಯನು 

ಸದ್ದುಗದ್ದಲವಿರದ ಮೌನದಲಿ |  

ಸುಸ್ಪಷ್ಟ ಕಂಠದಲಿ ಅಸ್ಪಷ್ಟವಿನಿತಿರದು  

ಕಷ್ಟವೆಲ್ಲವ ಮರೆಸುತಿಹುದು || 

ಮೌನವಾಗಿಹೆ ನೀನಿಂದೇಕೆ ಗಾಯಕನೆ  

ತಂತಿ ಕಡಿಯಲು ಹಾಡು ನಿಂತೀತೆ | 

ಸದ್ದಡಗಿ ನಿದ್ರಿಸಲು ನಿನಗೆ ಬಿಡುವಿಹುದೆ 

ಮೋನದಲು ಧ್ಯಾನ ತುಂಬಿರಲು ||   

ಸಲಿಸುವೆನು ನಿನಗಿಂದು ನಾನಶ್ರು ತರ್ಪಣವ   

ಸ್ಮರಿಸುವೆನು ಮನದೊಳಗೆ ನಿನ್ನಾತ್ಮವ | 

ನಿನ್ನ ಗಾಯನಕಿರದು ಸರಿಸಾಟಿ ಬೇರೊಂದು  

ನಮಿಸುವೆನು ನಿನಗಿಂದು ನಾನು ತಲೆವಾಗಿ|| 

ಜನಿಸಿ ಬರಬೇಕು ನೀನಿನ್ನೊಮ್ಮೆ ನಮ್ಮ ಬಳಿ  

ಕನಸಿನಲು ನಿನ್ನ ಸವಿಗಾನ  ಕೇಳಿಸುತ | 

ನಿನಗೆ ನಮಿಸುತ ಧನ್ಯರಾಗಿಹೆವು ನಾವೆಲ್ಲ 

ಇನ್ನೊಮ್ಮೆ ನೀನವತರಿಸು ನಮ್ಮ ನಾಡಿನಲಿ|| 

(ನಮ್ಮನ್ನಗಲಿದ ಗಾನ ಗಂಧರ್ವ ಶ್ರೀ ಎಸ್ಪೀಬಿಯವರ ದಿವ್ಯಾತ್ಮಕ್ಕೆ ಚಿರಶಾಂತಿಯನ್ನು ಕೋರಿ ರಚಿಸಿದ ಕವನ ನಮನ)

ವಿ.ಬಿ.ಕುಳಮರ್ವ, ಕುಂಬ್ಳೆ

ರಾಗಸಂಯೋಜನೆ ಮಾಡಿ ಹಾಡಿದವರು :- ಕಲಾಶ್ರೀ ವಿದ್ಯಾಶಂಕರ ಮಂಡ್ಯ.

Visit: Upayuktha Directory- You get here You want

(ಉಪಯುಕ್ತ ನ್ಯೂಸ್)

‘ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ

ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ