ಆಲಿಸಿ: ಭಕ್ತಿಗೀತೆ- ಸಂದಿತಯ್ಯಾ ಪ್ರಾಯವು ಕೃಷ್ಣಾ

 ಆಲಿಸಿ: ಭಕ್ತಿಗೀತೆ- ಸಂದಿತಯ್ಯಾ ಪ್ರಾಯವು ಕೃಷ್ಣಾ

ರಚನೆ: ಪುರಂದರ ದಾಸರು

ಗಾಯಕರು: ಪುತ್ತೂರು ನರಸಿಂಹ ನಾಯಕ್

 

ಸಂದಿತಯ್ಯಾ ಪ್ರಾಯವು ಸಂದಿತಯ್ಯಾ ಕೃಷ್ಣಾ....||2||

ಒಂದು ದಿನವು ಸುಖವು ಇಲ್ಲ 

ಕುಂದಿ ಹೋದೆ ಕಷ್ಟದಿಂದ||ಒಂದು||

ಬಂಧನವನು ಬಿಡಿಸುದೆನ್ನ 

ತಂದೆ ನೀನೆ ರಕ್ಷಿಸಯ್ಯ

                                ||ಸಂದಿತಯ್ಯಾ||

ತಂದೆ ಉದರದಿ ಮೂರು ತಿಂಗಳು 

ಸಂದು ಹೋಯಿತು ತಿಳಿಯದೆ||ತಂದೆ||

ಬೆಂದೆ ನವಮಾಸದೊಳು ಗರ್ಭದಿ 

ನಿಂದು ತಾಯಿಯ ಗರ್ಭದಿ

ಕುಂದಿತಾಯುವು ಒಂದು ವರ್ಷ 

ಇಂದಿರೇಶನೆ ಕೇಳು ದುಃಖವ 

ಬಂಧನದೊಳಗೆ ನಿಂದೆನನುದಿನ 

ಮುಂದೆ ಮೋಕ್ಷದ ಮಾರ್ಗ ಕಾಣದೆ

                               ||ಸಂದಿತಯ್ಯಾ||

ಕತ್ತಲೆಯೊಲಿರಲಾರೆ ಎನುತಲಿ 

ಹೊತ್ತೆ ಹರಕೆಯ ನಿನ್ನೊಲು||ಕತ್ತಲೆ||

ನಿತ್ಯದಲಿ ಮಲಮೂತ್ರ ಬಾಲ್ಯದಿ 

ಹೊತ್ತು ಕಳೆದೆನು ಎನ್ನೊಲು

ಮತ್ತೆ ಹದಿನಾರರ ಪ್ರಾಯದಿ 

ಉಕ್ಕಿ ನಡೆದೆನು ಧರೆಯೊಲು

ಹತ್ತಿ ಸಂಸಾರದ ಮಾಯೆಯು 

ಸಿಕ್ಕಿದೆನು ಭವ ಬಲೆಯೊಲು

                      ||ಸಂದಿತಯ್ಯಾ||

ಎಡೆಬಿಡದೆ ಅನುದಿನವು ಪಾಪದ 

ಕಡಲೊಲಗೆ ನಾ ಬಿದ್ದೆನೊ||ಎಡೆಬಿಡದೆ||

ದಡವ ಕಾಣದೆ ದುಃಖದೊಳು 

ಬೆಂದೊಡಳೊಲಗೆ ನಾನೊಂದೆನೊ

ಬಿಡದೆ ನಿನ್ನಯ ಧ್ಯಾನವೆಂದೆಂಬ 

ಹಡಗ ಏರಿಸು ಎಂದೆನೊ

ಧ್ರಡದಿ ನಿನ್ನಯ ಪಾದ ಸೇರಿಸೊ 

ಒಡೆಯ ಪುರಂದರ ವಿಠ್ಠಲಾ.....

                                  ||ಸಂದಿತಯ್ಯಾ||

(ಉಪಯುಕ್ತ ನ್ಯೂಸ್)

ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ

ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ