ಆಲಿಸಿ: ವಿಜಯದಶಮಿ ವಿಶೆಷ ಭಕ್ತಿಗೀತೆ- ವಿಜಯದ ಕಡೆಗೆ ಒಂದು ಹೆಜ್ಜೆ
ಆಶ್ವಯುಜದ ಶುದ್ಧ ದಶಮಿ
ವಿಜಯಕಿದುವೆ ಹಬ್ಬವೆಂದು
ಹೊನ್ನಿನಂತೆ ಶಮಿಯನಿತ್ತು
ಮುನ್ನ ಬಾಗುವ /
ಒಳಿತನೊಂದೆ ಮನದೊಳಿಟ್ಟು ಮುಂದೆ ಸಾಗುವ //1//
ಅಸುರಶಕ್ತಿ ಕೆಡುಕಿನೆಡೆಗೆ
ತಡೆಯಲೆಂತು ಇದರ ನಡಿಗೆ
ಹೊಡೆದು ಬಡಿದು ಮೆರೆಯುವಾಗ
ದಡವೆ ಕಾಣದು /
ವರವ ಪಡೆದ ಆಟವೆಲ್ಲ ಇಲ್ಲಿ ನಡೆಯದು //2//
ಹಾಗೆ ಹೀಗೆ ಪಡೆಯಬೇಕು
ಸಗ್ಗವನ್ನೆ ಸೇರಬೇಕು
ನುಗ್ಗಿ ನಡೆವ ವೇಗದಲ್ಲಿ
ಎಡವಿ ಬಿದ್ದರೆ /
ಎದ್ದು ಮೇಲೆ ಬರದ ಹಾಗೆ, ನೂರು ತೊಂದರೆ //3//
ತೆರೆದ ದಾರಿ ಗೆಲುವಿಗಲ್ಲ
ಮರೆತ ಜನರ ಪಾಡು ನೋಡಿ!
ಅವರ ಇವರ ತರಿದ ಮೇಲೆ
ಕತ್ತಿ ತಲೆಯಲಿ /
ನೆತ್ತಿಗಿಲ್ಲಿ ಅಭಯವಚನ ಇರದು ಜೊತೆಯಲಿ //4//
ಹೊತ್ತು ತಂದ ಬುತ್ತಿಯೊಂದೆ
ಹಸಿದ ಒಡಲ ತಣಿಸಲೆಂದು!
ನಮ್ಮ ಬುತ್ತಿಯೊಳಗೆ ಸುಧೆಯ
ನಾವೆ ತುಂಬುವ /
ನಂಬಿದವರ ಕಾಯಲೆಂದು, ಹೆಜ್ಜೆ ಹಾಕುವ //5//
ರಚನೆ: ರಾರಾ
(ಡಾ. ರಾಘವೇಂದ್ರ ರಾವ್)
ರಾಗ, ಸಂಗೀತ, ಗಾಯನ: ಕಲಾಶ್ರೀ ವಿದ್ಯಾಶಂಕರ್ ಮಂಡ್ಯ
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್‌ ಆಗಿ
إرسال تعليق