ಆಲಿಸಿ: ಭಕ್ತಿಗೀತೆ- ಜೈ ಜೈ ರಾಮ್ ಹರೇ ಜೈ ಜೈ ಕೃಷ್ಣಾ ಹರೇ

 ಆಲಿಸಿ: ಭಕ್ತಿಗೀತೆ- ಜೈ ಜೈ ರಾಮ್ ಹರೇ ಜೈ ಜೈ ಕೃಷ್ಣಾ ಹರೇ

ಗಾಯಕರು: ಶ್ರೀ ವಿದ್ಯಾಭೂಷಣ

ಜೈ ಜೈ ರಾಮ್ ಹರೇ

ಜೈ ಜೈ ಕ್ರಷ್ಣಾ ಹರೇ||ಜೈ ಜೈ ರಾಮ್||

ರಾಮ್ ಹರೇ ಹರೇ ರಾಮ್ ಹರೇ ||2||

ಕ್ರಷ್ಣಾ ಹರೇ ಹರೇ ಕ್ರಷ್ಣಾ ಹರೇ||2||

                          ||ಜೈ ಜೈ ರಾಮ್||

ಕೌಶಲ್ಯಜವರ ವಂಶೋಧ್ಭವ ಸುರ

ಸಂಸೇವಿತ ಪದ ರಾಮ ಹರೇ

ಕಂಸಾದ್ಯಸುರರ ಧ್ವಂಸಗೈದ

ಯದುವಂಶೋಧ್ಭವ ಶ್ರೀ ಕ್ರಷ್ಣಾ ಹರೇ

                          ||ಜೈ ಜೈ ರಾಮ್||

ಮುನಿಮಖ ರಕ್ಷಕ ಧನುಜರ ಶಿಕ್ಷಕ

ಫಣಿಧರ ಸನ್ನುತ ರಾಮ ಹರೇ

ಘನವರ್ಣಾಂಗ ಸುಮನಸರೊಡೆಯ

ಶ್ರೀವನಜಾಸನ ಪಿತ ಕ್ರಷ್ಣಾ ಹರೇ

                         ||ಜೈ ಜೈ ರಾಮ್||

ಶಿಲೆಯ ಪಾದರಜದಲಿ ಸ್ತ್ರೀ ಮಾಡಿದ

ಸುಲಲಿತ ಗುಣನಿಧಿ ರಾಮ ಹರೇ

ಬಲು ವಕ್ರಾಗಿದ್ದ ಅಬಲೆಯ ಕ್ಷಣದಲಿ

ಚೆಲುವೆಯ ಮಾಡಿದ ಕ್ರಷ್ಣಾ ಹರೇ

                         ||ಜೈ ಜೈ ರಾಮ್||

ಹರಧನು ಭಂಗಿಸೆ ಹರುಷದಿ ಜಾನಕಿ

ಕರವ ಪಿಡಿದ ಶ್ರೀ ರಾಮ ಹರೇ

ಸಿರಿ ರುಕ್ಮಿಣಿಯನು ತ್ವರದಲಿ ವರಿಸಿದ

ಶರಣರ ಪಾಲಕ ಕ್ರಷ್ಣಾ ಹರೇ

                        ||ಜೈ ಜೈ ರಾಮ್ ||

ಜನಕ ಪೇಳೆ ಲಕ್ಷ್ಮಣಸೀತಾ ಸಹ

ವನಕೆ  ತೆರಳಿದ ರಾಮ್ ಹರೇ

ವನಕೆ ಪೋಗಿ ತನ್ನರುಹರೊಡನೆ

ಗೋವನು ಪಾಲಿಪ ಶ್ರೀಕ್ರಷ್ಣಾ ಹರೇ

                       ||ಜೈ ಜೈ ರಾಮ್||

ತಾಟಕಿ ಖರಮಧು ಕೈಟಾಭಾರಿ

ಪಾಪಾಟವಿ ಸುರಮುಖ ರಾಮ ಹರೇ

ಆಟದಿ ಫಣಿಮೇಲ್ ನಾಟ್ಯವನಾಡಿದ

ಖೇಟವಾಹ ಶ್ರೀ ಕ್ರಷ್ಣಾ ಹರೇ

                      || ಜೈ ಜೈ ರಾಮ್||

ಚದುರೆ ಶಬರಿ ಇತ್ತ ಬದರಿಯ ಫಲವನು

ಮುದದಿ ಸೇವಿಸಿದ ರಾಮ ಹರೇ

ವಿದುರನ ಕ್ಷೀರಕೆ ಒದಗಿ ಪೋದ

ಶ್ರೀ ಪದುಮನಾಭ ಜಯ ಕ್ರಷ್ಣಾ ಹರೇ

                      ||ಜೈ ಜೈ ರಾಮ್||

ಸೇವಿತ ಹನುಮ ಸುಗ್ರೀವನಸಖ

ಜಗತ್ಪಾವನ ಪರತರ ರಾಮ್ ಹರೇ

ದೇವಕಿ ವಸುದೇವರ ಸೆರೆಬಿಡಿಸಿದ

ದೇವದೇವಾ ಶ್ರೀ ಕ್ರಷ್ಣಾ ಹರೇ

                     ||ಜೈ ಜೈ ರಾಮ್||

ಗಿರಿಗಳಿಂದ ವರ ಶರಧಿ ಬಂಧಿಸಿದ

ಪರಮ ಸಮರ್ಥ ಶ್ರೀ ರಾಮ ಹರೇ

ಗಿರಿಯ ತನ್ನ ಕಿರಿಬೆರಳಲೆತ್ತಿ

ಗೋವಳರ ಕಾಯ್ದ ಶ್ರೀ ಕ್ರಷ್ಣಾ ಹರೇ

                     ||ಜೈ ಜೈ ರಾಮ್||

ಖಂಡಿಸಿ ದಶಶಿರ ಚೆಂಡಾಡಿದ

ಕೋದಂಡಪಾಣಿ ಶ್ರೀ ರಾಮ ಹರೇ

ಪಾಂಡುತನಯರಿಂದ ಚಂಡ ಕೌರವರ

ದಿಂಡು ಗೆಡಹಿಸಿದ ಕ್ರಷ್ಣಾ ಹರೇ

                      ||ಜೈ ಜೈ ರಾಮ್||

ತವಕದಿ ಆಯೋಧ್ಯ ಪುರಕೈದಿದ

ತನ್ನ ಯುವತಿಯೊಡನೆ ಶ್ರೀ ರಾಮ ಹರೇ

ರವಿಸುತ ತನಯಗೆ ತನ್ನ ಪಟ್ಟ ಕಟ್ಟಿದ

ಭವತಾರಕ ಶ್ರೀ ಕ್ರಷ್ಣಾ ಹರೇ

                      ||ಜೈ ಜೈ ರಾಮ್ ಹರೇ||

ಭರತನು ಪ್ರಾರ್ಥಿಸಲರಸತ್ವವ

ಸ್ವೀಕರಿಸಿದ ತ್ವರದಲಿ ರಾಮ ಹರೇ

ವರ ಧರ್ಮಾದ್ಯರ ಧರೆಯೊಲು ಮೆರೆಸಿದ

ಪರಮ ಕ್ರಪಾಕರ ಕ್ರಷ್ಣಾ ಹರೇ

                    ||ಜೈ ಜೈ ರಾಮ್ ಹರೇ||

ಧರೆಯೊಳಜ್ಞಜನರನು ಮೋಹಿಪುದಕೆ

ಹರನ ಪೂಜಿಸಿದ ರಾಮ ಹರೇ

ಹರನ ಪ್ರಾರ್ಥಿಸಿ ವರವನು ಪಡೆದ

ಚರಿತೆ ಆಗಾಧವು ಕ್ರಷ್ಣಾ ಹರೇ

                   ||ಜೈ ಜೈ ರಾಮ್ ಹರೇ||

ಅತುಳ ಮಹಿಮ ಸದ್ಯತಿಗಳ ಹ್ರದಯದಿ

ಸತತ ವಿರಾಜಿಪ ರಾಮ್ ಹರೇ

ಸಿತವಾಹನ ಸಾರಥಿ ಎನಿಸಿದ

ಸುರತತಿ ಪೂಜಿತಪದ ಕ್ರಷ್ಣಾ ಹರೇ 

                   ||ಜೈ ಜೈ ರಾಮ್ ಹರೇ||

ರಾಮ ರಾಮ ಎಂದು ನೇಮದಿ ಭಜಿಪರ

ಕಾಮಿತ ಫಲದ ಶ್ರೀ ರಾಮ ಹರೇ

ಪ್ರೇಮದಿ ಭಕ್ತರ ಪಾಲಿಪ 

ಶ್ರೀ ವರದೇಶವಿಠ್ಠಲ ಶ್ರೀ ಕ್ರಷ್ಣಾ ಹರೇ

                     ||ಜೈ ಜೈ ರಾಮ್ ಹರೇ||

ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್‌ ಆಗಿ

ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ

ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ