ಅಂಗಂ ಹರೇಃ ಪುಲಕಭೂಷಣ-ಮಾಶ್ರಯಂತೀ ಭೃಂಗಾಂಗನೇವ ಮುಕುಲಾಭರಣಂ ತಮಾಲಮ್| ಅಂಗೀಕೃತಾಖಿಲವಿಭೂತಿ-
ರಪಾಂಗಲೀಲಾ
ಮಾಂಗಲ್ಯದಾಸ್ತು ಮಮ ಮಂಗಲದೇವತಾಯಾಃ ॥೧॥
ಮುಗ್ಧಾ ಮುಹುರ್ವಿದಧತೀ ವದನೇ ಮುರಾರೇ: ಪ್ರೇಮತ್ರಪಾ-ಪ್ರಣಿಹಿತಾನಿ ಗತಾಗತಾನಿ ।
ಮಾಲಾ ದೃಶೋ-ರ್ಮಧುಕರೀವ ಮಹೋತ್ಪಲೇ ಯಾ
ಸಾ ಮೇ ಶ್ರಿಯಂ ದಿಶತು ಸಾಗರಸಂಭವಾಯಾಃ ॥ ೨ ॥
ಆಮೀಲಿತಾಕ್ಷಮ್ ಅಧಿಗಮ್ಯ ಮುದಾ ಮುಕುಂದಮ್ ಆನಂದಕಂದಮ್ ಅನಿಮೇಷ-ಮನಂಗತಂತ್ರಮ್ |
ಆಕೇಕರಸ್ಥಿತ-ಕನೀನಿಕ-ಪಕ್ಷ್ಮನೇತ್ರಂ
ಭೂತ್ಯೈ ಭವೇನ್ಮಮ ಭುಜಂಗ-ಶಯಾಂಗನಾಯಾಃ ॥೩॥
ಬಾಹ್ವಂತರೇ ಮಧುಜಿತಃ ಶ್ರಿತಕೌಸ್ತುಭೇ ಯಾ ಹಾರಾವಲೀವ ಹರಿನೀಲಮಯೀ ವಿಭಾತಿ |
ಕಾಮಪ್ರದಾ ಭಗವತೋಪಿ ಕಟಾಕ್ಷಮಾಲಾ ಕಲ್ಯಾಣಮಾವಹತು ಮೇ ಕಮಲಾಲಯಾಯಾಃ ॥೪॥
ಕಾಲಾಂಬುದಾಲಿ-ಲಲಿತೋರಸಿ ಕೈಟಭಾರೇಃ
ಧಾರಾಧರೇ ಸ್ಪುರತಿ ಯಾ ತಡಿದಂಗನೇವ |
ಮಾತುಸ್ಸಮಸ್ತ -ಜಗತಾಂ ಮಹನೀಯಮೂರ್ತಿಃ
ಭದ್ರಾಣಿ ಮೇ ದಿಶತು ಭಾರ್ಗವನಂದನಾಯಾಃ ॥೫॥
ಪ್ರಾಪ್ತಂ ಪದಂ ಪ್ರಥಮತಃ ಖಲು ಯತ್ಪ್ರಭಾವಾತ್ ಮಾಂಗಲ್ಯಭಾಜಿ ಮಧುಮಾಥಿನಿ ಮನ್ಮಥೇನ |
ಮಯ್ಯಾಪತೇತ್ತದಿಹ ಮಂಥರಮೀಕ್ಷಣಾರ್ಧಮ್
ಮಂದಾಲಸಂ ಚ ಮಕರಾಲಯಕನ್ಯಕಾಯಾಃ ॥೬॥
ವಿಶ್ವಾಮರೇಂದ್ರ-ಪದವಿಭ್ರಮ-ದಾನದಕ್ಷಮ್ ಆನಂದಹೇತುರಧಿಕಂ ಮುರವಿದ್ವಿಷೋಪಿ |
ಈಷನ್ನಿಷೀದತು ಮಯಿ ಕ್ಷಣಮೀಕ್ಷಣಾರ್ಧಮ್ ಇಂದೀವರೋದರ-ಸಹೋದರ- ಮಿಂದಿರಾಯಾಃ ॥ ೭॥
ಇಷ್ಟಾ ವಿಶಿಷ್ಟಮತಯೋಪಿ ಯಯಾ ದಯಾರ್ದ್ರ ದೃಷ್ಟ್ಯಾ ತ್ರಿವಿಷ್ಟಪಪದಂ ಸುಲಭಂ ಲಭಂತೇ|
ದೃಷ್ಟಿಃ ಪ್ರಹೃಷ್ಟ- ಕಮಲೋದರ- ದೀಪ್ತಿರಿಷ್ಟಾಂ
ಪುಷ್ಟಿಂ ಕೃಷೀಷ್ಟ ಮಮ ಪುಷ್ಕರವಿಷ್ಟರಾಯಾಃ ॥೮॥
ದದ್ಯಾದ್ದಯಾ-ನುಪವನೋ ದ್ರವಿಣಾಂಬುಧಾರಾಮ್ ಅಸ್ಮಿನ್ನಕಿಂಚನ-ವಿಹಂಗಶಿಶೌ ವಿಷಣ್ಣೇ |
ದುಷ್ಕರ್ಮಘರ್ಮ-ಮಪನೀಯ ಚಿರಾಯ ದೂರಂ ನಾರಾಯಣ-ಪ್ರಣಯಿನೀ-ನಯನಾಂಬುವಾಹಃ ||೯||
ಗೀರ್ದೇವತೇತಿ ಗರುಡ ಧ್ವಜ-ಸುಂದರೀತಿ ಶಾಕಂಭರೀತಿ ಶಶಿಶೇಖರ-ವಲ್ಲಭೇತಿ |
ಸೃಷ್ಟಿಸ್ಥಿತಿಪ್ರಲಯ-ಕೇಲಿಷು ಸಂಸ್ಥಿತಾಯೈ
ತಸ್ಯೆ ನಮಸ್ತ್ರಿಭುವನೈಕ-ಗುರೋಸ್ತರುಣ್ಯೈ ॥೧೦॥
ಶ್ರುತ್ಯೈ, ನಮೋಸ್ತು ಶುಭಕರ್ಮಫಲ-ಪ್ರಸೂತ್ಯೈ
ರತ್ಯೈನಮೋಸ್ತು ರಮಣೀಯ-ಗುಣಾರ್ಣವಾಯೈ|
ಶಕ್ತ್ಯೈನಮೋಸ್ತು ಶತಪತ್ರ-ನಿಕೇತನಾಯೈ ಪುಷ್ಪ್ಯೈನಮೋಸ್ತು ಪುರುಷೋತ್ತಮ ವಲ್ಲಭಾಯೈ॥೧೧॥
ನಮೋಸ್ತು ನಾಲೀಕ-ನಿಭಾನನಾಯೈ
ನಮೋಸ್ತು ದುಗ್ಧೋದಧಿ ಜನ್ಮಭೂಮ್ಯೈ| ನಮೋಸ್ತು ಸೋಮಾಮೃತ ಸೋದರಾಯೈ ನಮೋಸ್ತು ನಾರಾಯಣ-ವಲ್ಲಭಾಯೈ॥೧೨॥
ನಮೋಸ್ತು ಹೇಮಾಂಬುಜ-ಪೀಠಿಕಾಯೈ
ನಮೋಸ್ತು ಭೂಮಂಡಲ-ನಾಯಿಕಾಯೈ|
ನಮೋಸ್ತು ದೇವಾದಿ-ದಯಾಪರಾಯೈ
ನಮೋಸ್ತು ಶಾರ್ಙ್ಗಾಯುಧ-ವಲ್ಲಭಾಯೈ ॥೧೩॥
ನಮೋಸ್ತು ದೇವ್ಯ್ಯೈಭೃಗು-ನಂದನಾಯೈ
ನಮೋಸ್ತು ವಿಷ್ಣೋ-ರುರಸಿಸ್ಥಿತಾಯೈ।
ನಮೋಸ್ತು ಲಕ್ಷ್ಮ್ಯೈ ಕಮಲಾಲಯಾಯೈ
ನಮೋಸ್ತು ದಾಮೋದರ-ವಲ್ಲಭಾಯೈ ॥೧೪॥
ನಮೋಸ್ತು ಕಾಂತ್ಯೈ ಕಮಲೇಕ್ಷಣಾಯೈ ನಮೋಸ್ತು ಭೂತ್ಯೈ ಭುವನಪ್ರಸೂತ್ಯೈ| ನಮೋಸ್ತು ದೇವಾದಿಭಿ-ರರ್ಚಿತಾಯೈ
ನಮೋಸ್ತು ನಂದಾತ್ಮಜವಲ್ಲಭಾಯೈ ॥೧೫॥
ಸಂಪತ್ಕರಾಣಿ ಸಕಲೇಂದ್ರಿಯ-ನಂದನಾನಿ ಸಾಮ್ರಾಜ್ಯದಾನ-ವಿಭವಾನಿ ಸರೋರುಹಾಕ್ಷಿಃ
ತದ್ವಂದನಾನಿ ದುರಿತೋ-ದ್ಧರಣೋದ್ಯತಾನಿ
ಮಾಮೇವ ಮಾತರನಿಶಂ ಕಲಯಂತು ಮಾನ್ಯೇ॥೧೬॥
ಯತ್ಕಟಾಕ್ಷ-ಸಮುಪಾಸನಾವಿಧಿಃ
ಸೇವಕಸ್ಯ ಸಕಲಾರ್ಥಸಂಪದಃ | ಸಂತನೋತಿ ವಚನಾಂಗ-ಮಾನಸ್ಯೈಃ
ತ್ವಾಂ ಮುರಾರಿ-ಹೃದಯೇಶ್ವರೀಂ ಭಜೇ ॥೧೭॥
ಸರಸಿಜನಿಲಯೇ ಸರೋಜಹಸ್ತೇ ಧವಲತಮಾಂಶುಕ-ಗಂಧಮಾಲ್ಯಶೋಭೇ |
ಭಗವತಿ ಹರಿವಲ್ಲಭೇ ಮನೋಜ್ಞೇ ತ್ರಿಭುವನಭೂತಿಕರಿ ಪ್ರಸೀದ ಮಹ್ಯಮ್ ॥೧೮॥
ದಿಗ್ಧಸ್ತಿಭಿಃ ಕನಕಕುಂಭ-ಮುಖಾವಸೃಷ್ಟ- ಸ್ವರ್ವಾಹಿನೀ-ವಿಮಲಚಾರುಜಲ-ಪ್ಲುತಾಂಗೀಮ್ |
ಪ್ರಾತರ್ನಮಾಮಿ ಜಗತಾಂ ಜನನೀಮಶೇಷ-
ಲೋಕಾಧಿನಾಥ-ಗೃಹಿಣೀ-ಮಮೃತಾಬ್ಧಿ-ಪುತ್ರೀಮ್ ॥೧೯||
ಕಮಲೇ ಕಮಲಾಕ್ಷವಲ್ಲಭೇ ತ್ವಂ ಕರುಣಾಪೂರ-ತರಂಗಿತ್ಯೈ-ರಪಾಂಗೈಃ |
ಅವಲೋಕಯ ಮಾಮಕಿಂಚನಾನಾಂ
ಪ್ರಥಮಂ ಪಾತ್ರಮಕೃತ್ರಿಮಂ ದಯಾಯಾಃ|| ೨೦||
ಸ್ತುವಂತಿ ಯೇ ಸ್ತುತಿಭಿರಮೂಭಿರನ್ವಹಂ
ತ್ರಯೀಮಯೀಂ ತ್ರಿಭುವನಮಾತರಂ ರಮಾಮ್|
ಗುಣಾಧಿಕಾ ಗುರುತರಭಾಗ್ಯಭಾಗಿನಃ ಭವಂತಿ ತೇ ಭುವಿ ಬುಧಭಾವಿತಾಶಯಾಃ ||೨೧॥
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
إرسال تعليق