ಆಲಿಸಿ: ವಾಲ್ಮೀಕಿ ರಾಮಾಯಣ- ನಿತ್ಯ ಪಾರಾಯಣ- ಬಾಲಕಾಂಡ 55ನೇ ಸರ್ಗ
ಪಞ್ಚಪಞ್ಚಾಶಃ ಸರ್ಗಃ
ಅಪಾರ ಸೈನ್ಯದೊಡನೆ ತನ್ನ ಮಕ್ಕಳೆಲ್ಲರೂ ವಿನಾಶವಾದಾಗ ವಿಶ್ವಾಮಿತ್ರರು ತಪಸ್ಸಿನಿಂದ ದಿವ್ಯಾಸ್ತ್ರಗಳನ್ನು ಪಡೆದು ಪುನಃ ವಸಿಷ್ಠರನ್ನು ಎದುರಿಸಿದುದು; ಆಶ್ರಮವಾಸಿಗಳಿಗೆ ಉಪದ್ರವ.
ಪ್ಲವನಾಮ ಸಂವತ್ಸರದ ಶ್ರೀರಾಮನವಮಿಯ ಪುಣ್ಯದಿನದಿಂದ ಆರಂಭಿಸಿ ಒಂದು ವರ್ಷ ಪರ್ಯಂತ ನಡೆಯುವ ವಾಲ್ಮೀಕಿ ರಾಮಾಯಣದ ಪಾರಾಯಣ ಅಭಿಯಾನದಲ್ಲಿ ಉಪಯುಕ್ತ ಪಾಡ್‌ಕಾಸ್ಟ್‌ ಸಹಭಾಗಿಯಾಗಿರುತ್ತದೆ.
Tags: #ValmikiRamayana #Ramayana #ರಾಮಾಯಣ_ನಿತ್ಯಪಾರಾಯಣ
||ಓಂ ತತ್ ಸತ್‌||
ಬಾಲಕಾಂಡ- ಪಂಚಪಂಚಾಶಸ್ಸರ್ಗಃ
ತತಸ್ತಾನ್ ಅಕುಲಾನ್ ದೃಷ್ಟ್ವಾ ವಿಶ್ವಾಮಿತ್ರಾಸ್ತ್ರಮೋಹಿತಾನ್ |
ವಸಿಷ್ಠಶ್ಚೋದಯಾಮಾಸ ಕಾಮಧುಕ್ ಸೃಜ ಯೋಗತಃ ||
ತಸ್ಯಾ ಹೂಂಭಾರವಾಜ್ಜಾತಾಃ ಕಾಂಭೋಜಾ ರವಿಸನ್ನಿಭಾಃ |
ಊಧಸಸ್ತ್ವಥ ಸಂಜಾತಾಃ ಪಪ್ಲವಾಃ ಶಸ್ತ್ರ ಪಾಣಯಃ ||
ಯೋನಿದೇಶಾಚ್ಚ ಯವನಾ ಶಕೃದ್ದೇಶಾತ್ ಶಕಸ್ತಥಾ |
ರೋಮಕೂಪೇಷು ಚ ಮ್ಲೇಚ್ಚಾ ಹಾರೀತಾಸ್ಸಕಿರಾತಕಾಃ ||
ತೈ ಸ್ತೈಃ ನಿಷೂದಿತಂ ಸರ್ವಂ ವಿಶ್ವಾಮಿತ್ರಸ್ಯ ತತ್ ಕ್ಷಣಾತ್ |
ಸಪದಾತಿಗಜಂ ಸಾಶ್ವಂ ಸ ರಥಂ ರಘುನಂದನ ||
ದೃಷ್ಟ್ವಾ ನಿಷೂದಿತಂ ಸೈನ್ಯಂ ವಸಿಷ್ಠೇನ ಮಹಾತ್ಮನಾ |
ವಿಶ್ವಾಮಿತ್ರಸುತಾನಾಂ ಚ ಶತಂ ನಾನಾವಿಧಾಯುಧಮ್||
ಅಭ್ಯಧಾವತ್ ಸುಸಂಕ್ರುದ್ಧಂ ವಸಿಷ್ಠಂ ಜಪತಾಂ ವರಮ್ |
ಹೂಂಕಾರೇಣ ತಾನ್ ಸರ್ವಾನ್ ದದಾಹ ಭಗವಾನ್ ಋಷಿಃ ||
ತೇ ಸಾಶ್ವರಥಪಾದಾತಾ ವಸಿಷ್ಠೇನ ಮಹಾತ್ಮನಾ |
ಭಸ್ಮೀಕೃತಾ ಮುಹೂರ್ತೇನ ವಿಶ್ವಾಮಿತ್ರಸುತಾಸ್ತದಾ ||
ದೃಷ್ಟ್ವಾ ವಿನಾಶಿತಾನ್ ಪುತ್ತ್ರಾನ್ ಬಲಂ ಚ ಸುಮಹಾಯಶಾಃ |
ಸವ್ರೀಡಶ್ಚಿಂತಯಾವಿಷ್ಟೋ ವಿಶ್ವಾಮಿತ್ರೋ ಅಭವತ್ ತದಾ ||
ಸಮುದ್ರ ಇವ ನಿರ್ವೇಗೋ ಭಗ್ನ ದಂಷ್ಟ್ರ ಇವೋರಗಃ |
ಉಪರಕ್ತ ಇವಾದಿತ್ಯಃ ಸದ್ಯೋ ನಿಷ್ಪ್ರಭತಾಂ ಗತಃ ||
ಹತಪುತ್ರ ಬಲೋ ದೀನೋ ಲೂನಪಕ್ಷ ಇವ ದ್ವಿಜಃ|
ಹತದರ್ಪೋ ಹತೋತ್ಸಾಹೋ ನಿರ್ವೇದಂ ಸಮುಪದ್ಯತ ||
ಸ ಪುತ್ರಮೇಕಂ ರಾಜ್ಯಾಯ ಪಾಲಯೇತಿ ನಿಯುಜ್ಯ ಚ |
ಪೃಥಿವೀಂ ಕ್ಷತ್ರ ಧರ್ಮೇಣ ವನಮೇವಾನ್ವಪದ್ಯತ ||
ಸ ಗತ್ವಾ ಹಿಮತ್ಪಾರ್ಶ್ವಂ ಕಿನ್ನರೋರಗಸೇವಿತಮ್ |
ಮಹಾದೇವ ಪ್ರಸಾದಾರ್ಥಂ ತಪಸ್ತೇಪೇ ಮಹತಪಾಃ ||
ಕೇನಚಿತ್ವಥ ಕಾಲೇನ ದೇವೇಶೋ ವೃಷಭಧ್ವಜಃ |
ದರ್ಶಯಾಮಾಸ ವರದೋ ವಿಶ್ವಾಮಿತ್ರಂ ಮಹಾಬಲಮ್||
ಕಿಮರ್ಥಂ ತಪ್ಯಸೇ ರಾಜನ್ ಬ್ರೂಹಿ ಯತ್ ತೇ ವಿವಕ್ಷಿತಮ್|
ವರದೋSಸ್ಮಿ ವರೋ ಯಸ್ತೇ ಕಾಂಕ್ಷಿತಸ್ಸೋS ಭಿದೀಯತಾಮ್ ||
ಏವಮುಕ್ತಸ್ತು ದೇವೇನ ವಿಶ್ವಾಮಿತ್ರೋ ಮಹಾತಪಾಃ |
ಪ್ರಣಿಪತ್ಯ ಮಹಾದೇವಂ ಇದಂ ವಚನ ಮಬ್ರವೀತ್ ||
ಯದಿ ತುಷ್ಟೋ ಮಹಾದೇವ ಧನುರ್ವೇದೋ ಮಮಾನಘ |
ಸಾಂಗೋಪಾಂಗೋಪನಿಷದಃ ಸ ರಹಸ್ಯಃ ಪ್ರದೀಯತಾಮ್ ||
ಯಾನಿ ದೇವೇಷು ಚಾಸ್ತ್ರಾಣಿ ದಾನವೇಷು ಮಹರ್ಷಿಷು |
ಗಂಧರ್ವ ಯಕ್ಷ ರಕ್ಷಸ್ಸು ಪ್ರತಿಭಾಂತು ಮಮಾನsಘ||
ತವಪ್ರಸಾದಾದ್ಭವತು ದೇವದೇವ ಮಮೇಪ್ಸಿತಮ್|
ಏವಮಸ್ತ್ವಿತಿ ದೇವೇಶೋ ವಾಕ್ಯಮುಕ್ತ್ವಾ ಗತಸ್ತದಾ||
ಪ್ರಾಪ್ಯಚಾಸ್ತ್ರಾಣಿ ರಾಜರ್ಷಿಃ ವಿಶ್ವಾಮಿತ್ರೋ ಮಹಾಬಲಃ|
ದರ್ಪೇಣ ಮಹತಾ ಯುಕ್ತೋ ದರ್ಪಪೂರ್ಣೋ ಅಭವತ್ ತದಾ||
ವಿವರ್ಧಮಾಣೋ ವೀರ್ಯೇಣ ಸಮುದ್ರ ಇವ ಪರ್ವಣಿ |
ಹತಮೇವ ತದಾ ಮೇನೇ ವಸಿಷ್ಠಂ ಋಷಿಸತ್ತಮಮ್||
ತತೋ ಗತ್ವಾ ಆಶ್ರಮಪದಂ ಮುಮೋಚಾಸ್ತ್ರಾಣಿ ಪಾರ್ಥಿವಃ|
ಯೈಸ್ತತ್ ತಪೋವನಂ ಸರ್ವಂ ನಿರ್ದಗ್ಧಂ ಚಾಸ್ತ್ರ ತೇಜಸಾ ||
ಉದೀರ್ಯಮಾಣಮಸ್ತ್ರಂ ತತ್ ವಿಶ್ವಾಮಿತ್ರಸ್ಯ ಧೀಮತಃ|
ದೃಷ್ಟ್ವಾ ವಿಪ್ರದ್ರುತಾಸ್ಸರ್ವೇ ಮುನಯ ಶ್ಶತಶೋದಿಶಃ ||
ವಸಿಷ್ಠಸ್ಯ ಚ ಯೇ ಶಿಷ್ಯಾಃ ತಥೈವ ಮೃಗ ಪಕ್ಷಿಣಃ|
ವಿದ್ರವಂತೀ ಭಯಾದ್ಭೀತಾ ನಾನಾದಿಗ್ಭ್ಯಃ ಸಹಸ್ರಶಃ ||
ವಸೀಷ್ಠಾಶ್ರಮಪದಂ ಶೂನ್ಯಮಾಸೀನ್ಮಹಾತ್ಮನಃ |
ಮುಹೂರ್ತಮಿವ ನಿಶ್ಶಬ್ದಂ ಆಶೀದಿರಿಣ ಸನ್ನಿಭಮ್||
ವದತೋ ವೈ ವಸಿಷ್ಠಸ್ಯ ಮಾಭೈರಿತಿ ಮುಹುರ್ಮುಹುಃ|
ನಾಶಯಾಮ್ಯದ್ಯ ಗಾಧೇಯಂ ನೀಹಾರಮಿವ ಭಾಸ್ಕರಃ ||
ಏವಮುಕ್ತ್ವಾ ಮಹಾತೇಜಾ ವಸಿಷ್ಠೋ ಜಪತಾಮ್ ವರಃ |
ವಿಶ್ವಾಮಿತ್ರಂ ತದಾ ವಾಕ್ಯಂ ಸರೋಷಂ ಇದಮಬ್ರವೀತ್ ||
ಆಶ್ರಮಂ ಚಿರ ಸಂವೃದ್ಧಂ ಯದ್ವಿನಾಶಿತವಾನಪಿ |
ದುರಾಚಾರೋsಸಿ ತನ್ಮೂಢ ತಸ್ಮಾತ್ ತ್ವಂ ನ ಭವಿಷ್ಯಸಿ ||
ಇತ್ಯುಕ್ತ್ವಾ ಪರಮಕೃದ್ಧೋ ದಂಡಮುದ್ಯಮ್ಯ ಸತ್ವರಃ |
ವಿಧೂಮಮಿವ ಕಾಲಾಗ್ನಿಂ ಯಮದಂಡ ಮಿವಾಪರಮ್||
|| ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯೇ ಆದಿಕಾವ್ಯೇ ಬಾಲಕಾಂಡೇ ಪಂಚಪಂಚಾಶಸ್ಸರ್ಗಃ ||
||ಓಂ ತತ್ ಸತ್‌||
ಕಾಮೆಂಟ್‌ ಪೋಸ್ಟ್‌ ಮಾಡಿ