ಆಲಿಸಿ: ಶಾಲಾರಂಭದ ಮಕ್ಕಳ ಸ್ವಾಗತ ಗೀತೆ
ರಚನೆ: ವಿಬಿ ಕುಳಮರ್ವ, ಕುಂಬ್ಳೆ
ಸಂಗೀತ, ಗಾಯನ: ಕಲಾಶ್ರೀ ವಿದ್ಯಾಶಂಕರ್ ಮಂಡ್ಯ
ಸ್ವಾಗತ ಸುನೀತ 🙏
~~~~~~
ನೂತನ ವರ್ಷಕೆ ಸ್ವಾಗತ ನಿಮಗಿದೊ
ಮುದ್ದಿನ ಕಂದರೆ ಸುಮನಸರೆ ||
ಗಿಳಿಗಳೆ ಅಳಿಗಳೆ ಕೋಕಿಲ ಕುಲಗಳೆ
ಬನ್ನಿರಿ ಪ್ರತಿಭೆಯ ಕಣಜಗಳೆ ||
ಶಾಲೆಯ ಬಾಗಿಲು ತೆರೆದಿದೆ ನೋಡಿರಿ
ಕರೆವೆವು ನಿಮ್ಮನು ಒಳಗಡೆಗೆ ||
ಮಾತೆಯ ಮಮತೆಯು ಇಲ್ಲಿದೆ ಮಕ್ಕಳೆ
ವಿದ್ಯಾದೇಗುಲ ಪರಿಸರದಿ ||
ದೇಶವ ಕಟ್ಟುವ ಮುಂದಿನ ಪ್ರಜೆಗಳೆ
ಗಳಿಸಲು ಬೇಕು ಜ್ಞಾನವನು ||
ಗ್ರೀಷ್ಮದ ಹನಿಮಳೆ ಸಿಂಚನಗೊಳ್ಳಲು
ಬಾಳಲಿ ಸ್ಫೂರ್ತಿಯ ಉಕ್ಕುವುದು ||
ಉಜ್ವಲ ಭವಿಷ್ಯ ನಿಮಗಿದೆ ಚಿಣ್ಣರೆ
ಕಲಿತರೆ ಜೀವನ ಪಾಠವನು ||
ರಚನೆ:-
✍ ವಿ.ಬಿ.ಕುಳಮರ್ವ ,ಕುಂಬ್ಳೆ
( ಶಾಲಾ ಮಕ್ಕಳ ಪ್ರವೇಶೋತ್ಸವದಲ್ಲಿ ಹಾಡುವುದಕ್ಕಾಗಿ ರಚಿಸಿದ ಒಂದುಸಾರ್ವಕಾಲಿಕ ಪ್ರವೇಶೋತ್ಸವ ಗೀತೆ)
ಕಾಮೆಂಟ್‌ ಪೋಸ್ಟ್‌ ಮಾಡಿ