ರಚನೆ: ವಿ.ಬಿ ಕುಳಮರ್ವ, ಕುಂಬ್ಳೆ
ರಾಗಸಂಯೋಜನೆ ಮಾಡಿ ಹಾಡಿದವರು :- ಶ್ರೀ ಆನಂದತೀರ್ಥ
ಪರಸೊತ್ತ ಬಯಸಿದರೆ ಸೊಗವಿರದು ಮನುಜರಿಗೆ
ವರವಾಗದದುವೆ ಶಾಪವೆನಿಸಲು ಬಹುದು |
ಬರಿದೆ ಕಳೆವರು ಕೈಲಿರುವ ವಸ್ತುಗಳನವರು
ಮರಬಿಟ್ಟ ಮಂಗನೊಲು - ಪುಟ್ಟಕಂದ || ೧ ||
ನಾವು ದುಡಿಯಲು ಬೇಕು ಸಂಪಾದಿಸಲು ಬೇಕು
ನೋವ ಮರೆಯುತ ಸೊಗದಿ ಬದುಕಿರಲು ಬೇಕು |
ಗೋವ ಸಲಹಲು ಬೇಕು ಆರೋಗ್ಯವಿರಬೇಕು
ದೇವರಿಗೆರಗ ಬೇಕು - ಪುಟ್ಟಕಂದ || ೨ ||
ಮನ ಮಲಿನಗೊಳಿಸದಿರು ಧನಗಳಿಸಲೆಳಸದಿರು
ತನುವ ಪೋಷಣೆಯಿರದೆ ಬರಿದೆ ಕೊರಗದಿರು |
ಇನಕುಲದ ರಾಮನನು ಪೂಜಿಸುತ ನಮಿಸಿದರೆ
ಕನಸು ನನಸಾಗುವುದು - ಪುಟ್ಟಕಂದ || ೩ ||
(ಛಂದೋಬದ್ಧ ಆಶು ಮುಕ್ತಕ ತ್ರಯ)
-ವಿ.ಬಿ.ಕುಳಮರ್ವ, ಕುಂಬ್ಳೆ
(ಉಪಯುಕ್ತ ನ್ಯೂಸ್)
ಉಪಯುಕ್ತ ನ್ಯೂಸ್’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಕಾಮೆಂಟ್‌ ಪೋಸ್ಟ್‌ ಮಾಡಿ