ಆಲಿಸಿ: ಭಕ್ತಿಗೀತೆ- ಗುಮ್ಮನ ಕರೆಯದಿರೆ ಅಮ್ಮಾ ನೀ

 ಆಲಿಸಿ: ಭಕ್ತಿಗೀತೆ- ಗುಮ್ಮನ ಕರೆಯದಿರೆ ಅಮ್ಮಾ ನೀ

ಗಾಯನ : ವಿದ್ಯಾ ಭೂಷಣರು

ಸಾಹಿತ್ಯ :- ಪುರಂದರ ದಾಸ 

ಗುಮ್ಮನ ಕರೆಯದಿರೆ, ಅಮ್ಮ ನೀನು 

ಗುಮ್ಮನ ಕರೆಯದಿರೆ ।।

ಸುಮ್ಮನೆ ಇದ್ದೇನು ಅಮ್ಮಿಯ ಬೇಡೆನು.. 

ಮಮ್ಮು ಉಣ್ಣುತ್ತೇನೆ ಅಮ್ಮ ಅಳುವುದಿಲ್ಲ ..

|| ಪಲ್ಲವಿ||

ಹೆಣ್ಣುಗಳಿರುವಲ್ಲಿಗೆ  ಹೋಗಿ ಅವರ 

ಕಣ್ಣ ಮುಚ್ಚುವುದಿಲ್ಲವೆ.. 

ಚಿನ್ನರ ಬಡಿಯೆನು ಅಣ್ಣನ ಬೈಯೆನು.. 

ಬೆಣ್ಣೆಯ ಬೇಡೆನು ಮಣ್ಣು ತಿನ್ನುವುದಿಲ್ಲ ..

|| ಪಲ್ಲವಿ||

ಬಾವಿಗೆ ಪೋಗೆ ಕಣೆ, ಅಮ್ಮ ನಾನು 

ಹಾವಿನೊಳಾಡೆ  ಕಣೆ.. 

ಆವಿನ ಮೊಲೆಯೂಡೆ ಕರುಗಳ ಬಿಡೆನೋಡೆ..  

ದೇವರಂತೆ ಒಂದು ಠಾವಿಲಿ ಕೂರುವೆ..

||ಪಲ್ಲವಿ|| 

ಮಗನ ಮಾತನು ಕೇಳುತ ಗೋಪಿದೇವಿ 

ಮುಗುಳು ನಗೆಯ ನಗುತ.. 

ಜಗದೊಡೆಯನ ಶ್ರೀ ಪುರಂದರ ವಿಠಲನ.. 

ಬಿಗಿದಪ್ಪಿಕೊಂಡಳು ಮೋಹದಿಂದಲಾಗ..

||ಪಲ್ಲವಿ||